Kreml: Durov Fransada müdafiəsi üçün zəruri olan hər şeyə malikdir

Kreml hesab edir ki, “Telegram” messencerinin yaradıcısı Pavel Durovun Fransada müdafiəsi üçün lazım olan hər şey var.

“Report” TASS-a istinadən xəbər verir ki, bunu Rusiya Prezidentinin mətbuat katibi Dmitri Peskov deyib.

“Düşünmürəm ki, biz indi hansısa bir qiymətləndirmə aparmağı davam etdirməliyik. Əsas odur ki, Fransada baş verənlər siyasi təqibə çevrilməsin”, – o qeyd edib.

Kremlin sözçüsü Fransa vətəndaşı olan P.Durovun hüquqi müdafiəsinin təşkili üçün lazım olan hər şeyə malik olduğunu bildirib.