Konqresmenin ofisində üzərində svastika olan ABŞ bayrağı tapılıb

Respublikaçı konqresmen Deyv Teylorun ofisində üzərində svastika olan ABŞ bayrağı tapılıb.

"Report" xəbər verir ki, bu barədə ABŞ KİV-i məlumat yayıb.

Konqresmenin özü bildirib ki, bununla bağlı Kapitoli polisinin iştirakı ilə yoxlama aparılır.

"Ofisimdə son dərəcə uyğunsuz simvolun təsvir olunduğu fotoşəkildən xəbərim var. Bu şəklin məzmunu bu ofisin, işçilərimin və ya mənim özümün dəyərlərimi və ya standartlarımı əks etdirmir və mən bunu ən kəskin şəkildə qınayıram. Bunu öyrəndikdən sonra dərhal polisə hərtərəfli araşdırma aparılmasını tapşırdım. Araşdırma başa çatana qədər əlavə şərh verilməyəcək", – o deyib.