KİV: "Tunis ABŞ-dan 8 hərbi təyyarə alır"

Tunis hava qüvvələrin təlim-məşq donanmasının təkmilləşdirilməsi planının bir hissəsi kimi ABŞ-dan səkkiz hərbi təlim təyyarəsi aldığını açıqlayıb.

“Report” xəbər verir ki, bu barədə “Reuters” məlumat yayıb.

Tunisə təlim təyyarələrinin tədarükü ilə bağlı ABŞ hökuməti ilə “Textron Aviation Defense” şirkəti arasında müqavilə imzalanıb. Yeni təyyarələrin ilk partiyasının 2023-cü ilin martında təhvil verilməsi, 2026-cı ilin oktyabrında müqavilənin müddəti başa çatacağı gözlənilir.

Bildirilib ki, razılaşmanın maliyyələşdirilməsinin əsas hissəsi ABŞ qrantı hesabına gerçəkləşdiriləcək, qalan hissəsi isə Tunis Müdafiə Nazirliyi tərəfindən ödəniləcək.