İordan çayının Qərb sahilində baş verən atışmada üç israilli həlak olub

İordan çayının Qərb sahilinin şimal hissəsində Kdumim yəhudi yaşayış məskəni yaxınlığındakı şossedə hərəkətdə olan avtomobildəki naməlum şəxslər tərəfindən avtobus və maşınlara açılan atəş nəticəsində üç israilli həlak olub, yeddi nəfər yaralanıb.

“Report” TASS-a istinadən xəbər verir ki, bu barədə “Ynet” portalı məlumat yayıb.

İsrail Müdafiə Ordusunun mətbuat xidməti bildirib ki, təhlükəsizlik xidmətləri terrorçuların təqibinə başlayıb, blokpostlar qurur və bu ərazidəki bir neçə yaşayış məntəqəsini mühasirəyə alıb.