Kanada freqatı ABŞ-də təlimlər zamanı “Harpun” raketini məhv etməyə məcbur olub

ABŞ-Kanada təlimi zamanı “Regina” freqatı uçuş zamanı idarəetmədən çıxdığı üçün “Harpoon Block II” gəmi əleyhinə raketini məhv etmək məcburiyyətində qalıb.

"Report"un məlumatına görə, bu barədə CTV telekanalı məlumat yayıb.

Məlumata görə, hadisə Kaliforniya sahillərində baş verib. Raket gəmidən təxminən 55 km aralıda yerləşən yerüstü hədəfə atılıb, lakin buraxılışdan 30-60 saniyə sonra körpünün onunla əlaqəsi kəsildiyi üçün uzaqdan məhv edilib.

Raketin qalıqları okeana düşüb, xəsarət alan yoxdur.

Telekanal qeyd edib ki, belə raketin qiyməti təxminən 2 milyon dollardır.