Kabildə nazirlik əməkdaşlarının olduğu avtomobil partladılıb

Noyabrın 2-də səhər saatlarında Əfqanıstanın paytaxtı Kabildə nazirlik əməkdaşlarını daşıyan avtomobil partladılıb.

“Report” TASS-a istinadən xəbər verir ki, bu barədə yerli “Hasht-e Subh” nəşri məlumat yayıb.

Şəhərin beşinci rayonunda “Taliban” hökumətinin Kənd Təsərrüfatının Yenidənqurulması və İnkişafı Nazirliyinin əməkdaşlarını daşıyan avtomobil hərəkətdə olan zaman partladılıb. Hadisənin təfərrüatları dəqiqləşdirilir.

İlkin məlumata görə, partlayış nəticəsində ölən və yaralananlar var. Lakin onların sayı açıqlanmayıb.

“Taliban” hökuməti hələ ki, hadisəyə münasibət bildirməyib.