İtaliyalı admiral NATO hərbi komitəsinin yeni rəhbəri seçilib

İtaliya Silahlı Qüvvələrinin Baş Qərargah rəisi admiral Cüzeppe Kavo Draqone NATO-nun hərbi komitəsinin yeni sədri seçilib.

“Report” xəbər verir ki, Alyansın Baş Qərargah rəislərinin Osloda keçirilən iclasından sonra verilən açıqlamaya görə, o, altı ay sonra bu vəzifəni tutacaq.

Həmin iclasda NATO-nun hərbi komitəsinin hazırkı sədri admiral Rob Bauerin daha 6 ay müddətinə vəzifədə qalması barədə qərar qəbul edilib.