İsveçrənin keçmiş prezidenti Avropa Şurasının yeni Baş katibi seçilib

İsveçrənin keçmiş prezidenti Alen Berse Avropa Şurasının yeni Baş katibi seçilib.

"Report"un məlumatına görə, bu barədə "Agency France Presse" (AFP) məlumat yayıb.

Agentliyin məlumatına görə, 52 yaşlı Berse bu postda Xorvatiya təmsilçisi Mariya Peyçinoviç-Buriçi əvəz edəcək. Onun mandatı sentyabrın 18-də başlayacaq.

Xatırladaq ki, Berse 2023-cü il yanvarın 1-dən dekabrın 31-dək İsveçrənin prezidenti olub.