İsrail ordusunun Baş Qərargah rəisi HƏMAS ilə girovlar barədə razılaşmanı dəstəkləyib

İsrail ordusunun Baş Qərargah rəisi Eyal Zamir HƏMAS ilə İsrail girovlarının azad edilməsinə dair razılaşmanın bağlanmasını dəstəklədiyini bildirib.

“Report” xəbər verir ki, bu barədə “The Wall Street Journal” qəzeti mənbələrə istinadən yazıb.

E.Zamir hesab edir ki, Qəzza zolağında hərbi əməliyyatın davam etdirilməsi İsrail girovlarının həyatını təhlükə altına atır.

“İsrailin Baş naziri Benyamin Netanyahu isə öz növbəsində HƏMAS-ın anklavda hakimiyyətdən uzaqlaşdırılması və radikalların tam tərk-silah edilməsi zəruriliyində israr edir”, - nəşr vurğulayıb.