İsrail ordusu Livanın cənubuna girib

İsrail ordusu Livanın Əl-Xiam şəhərinə girib.

"Report" "The Times of Israel"ə istinadən xəbər verir ki, bu barədə Livanın dövlət KİV-i məlumat yayıb.

"Əl-Xiam şəhəri fasiləsiz artilleriya atəşinə tutulur, İsrail ordusu şəhərə girib", - dövlət KİV-i xəbər verir.

Ötən gün Livanın hərbi mənbəsi AFP agentliyinə bildirib ki, İsrail ölkə ərazisinə hava zərbələri endirməklə yanaşı, Livanın cənubundakı sərhəd bölgəsində quru əməliyyatına başlayıb.

Öz növbəsində, İsrail Müdafiə Qüvvələri bəyan edib ki, qoşunların Livanın cənubunda yerləşdirilməsi qərarı "Hizbullah"ın hücumları fonunda müdafiə strategiyasının gücləndirilməsinin bir hissəsidir.