İraq Türkiyəni hərbi müdaxilədə ittiham edib

Bakı. 5 dekabr. REPORT.AZ/ Türk hərbi birliyinin zirehli texnikanın dəstəyi ilə İraqın şimalındaki Mosul şəhərinin yaxınlığında dislokasiya olması hərbi müdaxilə aktı kimi qiymətləndirir. "Report"-un "İnterfaks" agentliyinə istinadən verdiyi xəbərə görə, bu barədə İraq Xarici İşlər Nazirliyi bəyanat yayıb.

"Türkiyə hərbi kontinqenti İraq ərazisinə icazəsiz daxil olub və dərhal ölkə ərazisini tərk etməlidir", - sənəddə deyilir.

Qeyd edək ki, ötən axşam yayılan məlumata görə, 600-ə yaxın türk hərbçisi Mosul şəhərindən 30 kilometr şimalda yerləşən Başika qəsəbəsində kürd birliklərə (peşmerge) təlim keçmək məqsədi ilə bölgəyə daxil olub.