Fransanın 6 bölgəsində fiber-optik şəbəkələr sabotaj edilib

Fransanın 6 bölgəsində fiber-optik şəbəkələrin sabotaj edilməsi ölkənin bəzi yerlərində telefon xətlərinin kəsilməsinə səbəb olub.

“Report” xəbər verir ki, bu barədə “Daily Mail” məlumat yayıb.

Mənbələrin məlumatına görə, bir neçə ərazidə “SFR” və “Bouygues” telefon operatorlarının qurğuları zədələnib. Herault, Bouches-du-Rhône, Meuse, Drôme və Aude departamentlərindəki elektrik şkaflarında telefon kabelləri kəsilib.

Bu, Parisdə Olimpiya Oyunlarının açılış mərasimi günü ölkənin dəmir yollarının kütləvi hücuma məruz qalmasından bir neçə gün sonra baş verib. Törədilən təxribatlar 800 minə yaxın sərnişinə təsirsiz ötüşməyib.