Floridada təyyarə qəzasında azı iki nəfər ölüb - YENİLƏNİB

ABŞ-nin Florida ştatının Mayami şəhəri yaxınlığındakı Koral-Sprinqsdə kiçik mühərrikli təyyarənin gölə düşməsi nəticəsində azı iki nəfər ölüb.

"Report"un məlumatına görə, bu barədə "NBC News" polisə istinadən xəbər yayıb.

Fort-Loderdeyl aeroportunun nümayəndəsi bildirib ki, "Beechcraft King Air" aviaşirkətinin təyyarəsi Şərq vaxtı ilə səhər saat 10:14-də (Bakı vaxtı ilə axşam saat 19:14) "Melissa" qasırğasının fəsadlarının aradan qaldırılması üçün xilasetmə əməliyyatlarının bir hissəsi olaraq Yamaykaya yola düşüb.

Telekanal təyyarədə olan insanların dəqiq sayını açıqlamayıb.

Müvafiq qurumlar hadisə yerindədir və qəzanın səbəbi araşdırılır.

01:38

Qasırğadan sonra yardım üçün Yamaykaya gedən kiçik təyyarə ABŞ-nin Florida ştatındakı Koral-Sprinqs bölgəsindəki su hövzəsində qəzaya uğrayıb.

Bu barədə "Report" "CBS News"a istinadən xəbər verir.

Bildirilir ki, hadisə Vindzor-Bey qapalı yaşayış kompleksində qeydə alınıb. "Beechcraft King Air B100" təyyarəsi "Melissa" qasırğasından sonra yardım üçün Yamaykanın Montego körfəzi şəhərinə uçurmuş", - məlumatda bildirilir.

Təyyarənin göyərtəsində neçə nəfərin olduğu, ölənlər və ya xəsarət alanlar barədə məlumat verilmir.

Hadisə yerində axtarış-xilasetmə işləri həyata keçirilir.