Ekvadorda  baş verən avtobus qəzasında azı 12 nəfər ölüb

Ekvadorun mərkəzində avtobusun qəzaya uğraması nəticəsində azı 12 nəfər ölüb.

"Report" xəbər verir ki, bu barədə ölkənin Risklərin İdarə Edilməsi Departamenti məlumat yayıb.

"Simiatuq qraflığında nəqliyyat vasitəsinin aşması nəticəsində ilkin məlumatlara görə 12 nəfər ölüb, 10 nəfər yaralanıb", - departamentin X səhifəsində bildirib.

"Expreso" qəzetinin məlumatına görə, avtobus yoldan çıxaraq dərin dərəyə yuvarlanıb. Qəzanın səbəbi hələ müəyyən edilməyib.