Əfqanıstanda məsciddə törədilən partlayışda 30 nəfər ölüb 

Əfqanıstanın Bəlx vilayətinin Məzari-Şərif şəhərində məsciddə törədilmiş partlayış nəticəsində azı 30 nəfər ölüb.  

“Report” TASS-a istinadən xəbər verir ki, bu barədə “Khaama Press” agentliyi məlumat yayıb. 

Həkimlərin sözlərinə görə, xəstəxanalara 80 yaralı yerləşdirilib. 

Hadisənin insanlar namaz vaxtı məscidə toplaşarkən baş verdiyi bildirilir.

13:24

Əfqanıstanın Məzari-Şərif şəhərində namaz vaxtı məsciddə patlayış törədilib.

“Report” “RİA Novosti”yə istinadən xəbər verir ki, bu barədə yerli "1TV News" telekanalı məlumat yayıb.

Bildirilib ki, məscid şəhərin gediş-gəlişin çox olduğu hissəsində yerləşir. Partlayış nəticəsində çoxsaylı yaralının olduğu güman edilir.