Əfqanıstan Prezidenti: "Təhlükəsizliklə bağlı vəziyyət üç ay ərzində düzələcək"

Əfqanıstan Prezidenti Məhəmməd Əşrəf Qani əfqan xalqını ölkədə təhlükəsizliklə bağlı vəziyyətin üç ay ərzində düzələcəyinə əmin edib.

“Report” xəbər verir ki, məlumatı “Tolonews” telekanalı yayıb.

Bildirilib ki, Əşrəf Qani Əfqanıstanın şimal rayonlarına səfər edib. Bəlx əyalətinin qubernatoru Məhəmməd Fərhad Əzimi deyib ki, səfər zaman dövlət başçısını müdafiə, daxili işlər nazirləri, Milli Təhlükəsizlik İdarəsi, eləcə də Təhlükəsizlik Şurasının məsul şəxsləri müşayiət edib.