Danimarkadan Ukraynaya F-16-ların ikinci partiyası göndərilib

Danimarkadan göndərilən F-16 qırıcılarının ikinci partiyası Ukraynaya çatıb.

"Report" xəbər verir ki, bu barədə Ukrayna Prezidenti Volodimir Zelenski "X"də paylaşım edib.

O qeyd edib ki, bu addım insan həyatının müdafiəsi istiqamətində liderlik nümunəsidir:

"Danimarkanın birinci partiyada göndərdiyi qırıcılar artıq Rusiyanın atdığı raketlərin vurulmasında istifadə olunur, insanlarımızın həyatını və infrastrukturumuzu xilas edir. İndi hava müdafiəmiz daha da gücləndirilib".