Rusiyanın Ukraynaya qarşı müharibəsini araşdıran Beynəlxalq Büro fəaliyyətə başlayıb - YENİLƏNİB

Niderlandın Haaqa şəhərində Rusiyanın Ukraynaya qarşı hücumunu araşdıran beynəlxalq mərkəz fəaliyyətə başlayıb.

“Report” xəbər verir ki, bu barədə xarici KİV məlumat yayıb.

Qeyd edilib ki, mərkəz Rusiyanın Ukraynadakı cinayətlərini tədqiq etməklə məşğuldur.

Bu gün Niderlandın Haaqa şəhərində Rusiyanın Ukraynaya qarşı müharibəsini araşdıran Beynəlxalq Büro yaradılır.

“Report” xəbər verir ki, bunu Britaniyanın “The Guardian” nəşri yazıb.

Komissiyaya Ukrayna, Avropa İttifaqı (Aİ), ABŞ və Beynəlxalq Cinayət Məhkəməsinin (ICC) prokurorları daxil olacaq.

Mərkəz Ukraynaya qarşı müharibəyə görə Kreml rəsmilərini məsuliyyətə cəlb edəcək Xüsusi Tribunal yaradılmazdan əvvəl aralıq addım kimi araşdırma aparacaq və sübutlar toplayacaq.

Bu təşəbbüs Rusiya ilə Xüsusi Tribunalın yaradılması istiqamətində ilk addımdır.

Qeyd edək ki, Rusiya ilə Ukrayna arasında genişmiqyaslı müharibə ötən il fevralın 24-də başlayıb.