Britaniyada baş nazirin müdafiə istehsalı üzrə nümayəndəsi postu təsis edilə bilər

Böyük Britaniya iqtidarı baş nazirin müdafiə istehsalı üzrə nümayəndəsi vəzifəsini təsis edə bilər, ona silah istehsalının artırılmasına nəzarət etmək tapşırılacaq.

“Report” xəbər verir ki, bunu Böyük Britaniyanın xarici işlər naziri Devid Kemeron “Sky News” telekanalına müsahibəsində deyib.

“Müdafiə üzrə xüsusi nümayəndə nöqteyi-nəzərindən daha da irəli gedə bilməyimiz prinsipial olaraq zəruridir ki, o, Baş nazirin dəstəyi ilə müdafiə təchizatçıları ilə çoxillik müqavilələr bağlamağımızı təmin etmək imkanı əldə etsin, çünki Biz Ukraynaya nəinki daha çox silah tədarük etməliyik, həm də ehtiyatlarımızı artırmalıyıq. Bu çox vacibdir, milli prioritetdir”, – o vurğulayıb.