Britaniya kralı III Çarlzın Fransaya ilk səfərinin tarixi açıqlanıb

Böyük Britaniya kralı III Çarlzın Fransaya ilk səfəri sentyabrda baş tutacaq.

“Report” xəbər verir ki, bu barədə “France Info” radiostansiyası Yelisey sarayına istinadən məlumat yayıb.

Eyni zamanda, Prezident Emmanuel Makronun administrasiyasının nümayəndələri konkret tarix açıqlamayıblar. Radiostansiyanın məlumatına görə, səfərin tarixləri avqustun sonuna doğru bildiriləcək.

“France Info” səfərin orijinal proqrama uyğun keçib-keçməyəcəyini və ya ona dəyişikliklərin ediləcəyini dəqiqləşdirməyib.