BMT bu il ukraynalı qaçqınlara 3,32 milyard dollarlıq yardım edəcək

BMT Ukraynadakı müharibədən zərər çəkən qaçqınlara dəstək məqsədilə 3,32 milyard dollarlıq yardım üçün müraciət edib.

"Report"un ABŞ bürosu xəbər verir ki, BMT bununla bağlı tərəfdaşlarına çağırış edib.

Müraciət Ukrayna daxilində və başqa ölkələrə sığınan 8,2 milyon insana yardım etmək məqsədi daşıyır.

Çağırışda Ukraynadakı humanitar təşkilatların 2025-ci ildə 6 milyon insana qida, səhiyyə, sığınacaq, pul yardımı və digər zəruri xidmətlər göstərməyi hədəflədikləri qeyd edilib.

BMT-nin qaçqınlar üzrə ali komissarı Filippo Qrandi evlərini tərk etməyə məcbur olan milyonlarla ukraynalıya davamlı dəstəyin vacibliyini vurğulayıb.