Bir gecədə Rusiya bölgələrində Ukraynanın 45 PUA-sı məhv edilib

Ötən gecə Rusiyanın Hava Hücumundan Müdafiə Qüvvələri (HHM) Ukraynaya məxsus 45 pilotsuz uçan aparatı (PUA) məhv edib.

“Report”un məlumatına görə, bu barədə Rusiya Müdafiə Nazirliyi məlumat yayıb.

“Kiyev rejimi ötən gecə Rusiya ərazisindəki hədəflərə pilotsuz uçuş aparatlarından istifadə etməklə hücum həyata keçirməyə cəhd edərkən, növbətçi hava hücumundan müdafiə sistemləri tərəfindən 45 təyyarə tipli PUA məhv edilib”, - deyə məlumatda bildirilib.

Bildirilib ki, onlardan 11-i Moskva vilayəti, daha 23-ü Bryansk vilayəti üzərində, altı qurğu Belqorod vilayəti, üçü Kaluqa vilayəti, ikisi isə Kursk vilayəti üzərində məhv edilib.