Bakı. 24 Aprel. REPORT.AZ/ İraqın paytaxtı Bağdadın şimal hissəsində yerləşən nəzarət-buraxılış məntəqəsində törədilən partlayış nəticəsində ən azı 9 nəfər ölüb.
“Report” “Reuters”ə istinadən xəbər verir ki, daha 3 nəfər Bağdad ətrafında ordu karvanına hücum nəticəsində həlak olub.
Hüquq-mühafizə orqanlarındakı mənbənin məlumatına görə, terrorçular hər iki halda partlayıcı qurğunu avtomobildə işə salıblar. Hücum nəticəsində 39 nəfər yaralanıb, ölənlərin sayı arta bilər.
Heç bir qruplaşma partlayışlara görə məsuliyyəti öz üzərinə götürməyib.