Almaniya seçkilər ərəfəsində 2,5 milyard avroluq silah sifariş edib

Almaniyada qanunvericilər fevralın 23-də keçiriləcək növbədənkənar parlament seçkiləri ərəfəsində Bundesver üçün təxminən 2,5 milyard avro dəyərində silah və texnika sifarişini təsdiqləyiblər.

“Report” xəbər verir ki, bu barədə mənbələrə istinadən “Bloomberg” məlumat yayıb.

Satınalmalara Almaniya Silahlı Qüvvələri üçün 1,8 milyard avro dəyərində yeni rabitə sistemi, 417 milyon avro dəyərində piyada silahları, tank əleyhinə silahlar və təxminən 100 milyon avro dəyərində silah stansiyası daxildir.

Sifarişlər Ukrayna münaqişəsinin başlanmasından sonra Almaniya kansleri Olaf Şolts hökumətinin təşəbbüsü ilə yenidən silahlanma proqramının bir hissəsidir.