ABŞ Kabilə əlavə hərbçilər göndərir

Vaşinqton artıq amerikalı diplomatları təxliyə etmək üçün Əfqanıstanın paytaxtına əlavə hərbçi göndərməyə başlayıb.

“Report” xəbər verir ki, bu barədə Amerika Müdafiə Nazirliyinin rəsmi nümayəndəsi Con Kirbi bildirib.

“Hərbi Dəniz Qüvvələrinin taborlarından biri artıq Kabildədır. Qalan qüvvələr qarşıdakı günlər ərzində gedəcək. Üç min ABŞ əsgərinin böyük hissəsinin həftə sonunun sonuna qədər yerində olacağını gözləyirəm. Hərbçilərin göndərilməsi hazırda baş verir” , - deyə o bildirib.

Onun sözlərinə görə, Küveytə göndəriləcək ABŞ Ordusunun 82 -ci Hava Desant Diviziyasının qrupu da Kabilə gedəcək.