ABŞ institutu: Rusiyadan uzaqlaşmaq Paşinyana baha başa gələ bilər

Rusiyadan uzaqlaşmaq Ermənistanın baş naziri Nikol Paşinyana baha başa gələ bilər.

“Report” xəbər verir ki, bu barədə ABŞ-nin Müharibə Araşdırmaları İnstitutunun məlumatında qeyd edilib.

Bildirilib ki, N.Paşinyan Rusiyanı qıcıqlandırmağa çalışır: “Bu da ağır nəticələrə səbəb ola bilər”.

Həmçinin, bildirilib ki, Kremlə bağlı analitiklər də bu mövqeyinə görə İrəvanı tənqid edirlər.

Xatırladaq ki, Ermənistanla Rusiya arasında münasibətlər sürətlə pisləşir. Rəsmi İrəvan daha əvvəl Kollektiv Təhlükəsizlik Müqaviləsi Təşkilatı (KTMT) daxilində fəaliyyətini dayandırdığını bildirib və bunun hüquqi cəhətdən də baş verəcəyini istisna etməyib. Rəsmi Moskva bu mövqeyinə görə İrəvandan izahat tələb edir.

Rusiya xarici işlər naziri Sergey Lavrov daha əvvəl deyib ki, Moskva İrəvanla münasibətlərə yenidən baxa bilər.