ABŞ-da qatar qəzaya uğrayıb, vaqonlar yanıb

ABŞ-da yük qatarı qəzaya uğrayıb.

“Report” xəbər verir ki, bu barədə yerli mətbu orqanlar məlumat yayıb.

Məlumata görə, hadisə Ayova ştatında baş verib. Sibli şəhərində onlarla vaqon relsdən çıxıb. Qeyd edilir ki, hadisədən sonra bəzi vaqonlar yanıb.

Hadisə zamanı ölən və ya xəsarət alanların olub-olmaması barədə hələ məlumat yoxdur.