ABŞ-da hərbi təyyarənin qəzaya uğraması nəticəsində 5 nəfər həlak olub

ABŞ-ın Kaliforniya ştatında Birləşmiş Ştatlar ordusuna məxsus “Bell V-22 Osprey” təyyarəsi qəzaya uğrayıb.

Bu barədə “Report” xarici mətbuata istinadən xəbər verir.

Rəsmi şəxslər hadisə zamanı təyyarədə beş nəfərin olduğunu bildiriblər. Onların hamısının öldüyü güman edilir.

Qeyd olunur ki, qəza Meksika ilə sərhəddən 50 km şimalda və San-Dieqo şəhərindən 240 km şərqdə baş verib.

Eyni zamanda, ABŞ hərbçiləri dağılan təyyarənin göyərtəsində radioaktiv maddələrin olması ilə bağlı mediada yayılan məlumatı təkzib ediblər.