ABŞ-da atışma olub, ölən və yaralananlar var

ABŞ-ın Pensilvaniya ştatının icma mərkəzində əyləncə mərasimində baş verən atışma nəticəsində bir nəfər ölüb, daha 8 nəfər yaralanıb.

“Report” xəbər verir ki, bu barədə “Associated Press” yerli hakimiyyət orqanlarına istinadən məlumat yayıb.

Polis zərərçəkənlərin 18-23 yaşlarında olduğunu bildirib. Qeyd edilir ki, ölən 22 yaşlı gənc Pensilvaniyanın ikinci böyük şəhəri Pitsburqdandır.

Hadisə ilə bağlı heç bir şübhəli həbs olunmayıb. Polis məlumatı olan hər kəsdən İndiana ştatının patrulu ilə əlaqə saxlamağı xahiş edir.

Hakimiyyət hadisənin motivini və ya insidentin arxasında kimin dayandığını açıqlamayıb.