Komitə sədri: "Daha 10 ölkədə Azərbaycan Evi açılacaq"

"Bu gün 20-dən çox ölkədə Azərbaycan evləri fəaliyyət göstərir. Gələn il daha 10 Azərbaycan Evi açılacaq".

"Report" xəbər verir ki, bunu Diasporla İş üzrə Dövlət Komitəsinin sədri Fuad Muradov “Heydər Əliyev İli” çərçivəsində “Azərbaycan-Amerika Mədəniyyət körpüsü: Cefri Verbok” adlı tədbirdə deyib.

Onun sözlərinə görə, Prezident İlham Əliyevin tapşırığı əsasında həm xaricdə yaşayan yeni nəsil diaspor üçün, həm də tanınmış simalarımız üçün xüsusi proqramlar və layihələr həyata keçirilir.

Dövlət Komitəsinin sədri vurğulayıb ki, 80-dən çox şənbə və bazar məktəbləri uşaqların Azərbaycan dilini öyrənməsi üçün xüsusi olaraq təsis olunub.