Xocalının Təzəbinə kənd sakini: Mən hələ də prezidentlə görüşün xoş təəssüratını yaşayıram

Hər kəsin arzusudur ki, ölkə başçısı ilə görüşsün, onu yaxından görə bilsin.

Bunu "Report"un Xocalıya ezam olunmuş əməkdaşı ilə söhbətində Təzəbinə kənd sakini Mahir Fərəcov deyib.

O qeyd edib ki, xalqı bu günlərə gətirib çıxaran bir şəxsiyyəti yaxından görmək xoşbəxtlikdir:

"Bəlkə də bir neçə il qabaq, kimsə desəydi ki, bu günü görəcəksən, inanmazdım. Amma çox sevinirəm ki, həm bu sevincli gün qismətim oldu, həm də bu qələbənin sərkərdəsini yaxından gördüm. Aradan bir neçə gün keçib, mən hələ də prezidentlə görüşün həyəcanını yaşayıram. Düşünürəm, necə xoşbəxt bir xalqıq ki, belə dahi və qüdrətli rəhbərimiz var".