Şuşaya qayıdan sakin: Bu günü 32 il həsrətlə gözləmişik

“Bu günü 32 il həsrətlə gözləmişik”.

Bu fikirləri “Report”a müsahibəsində Şuşa şəhərinə qayıdan keçmiş məcburi köçkün Babayeva Gültəkin deyib.

“Şuşanın işğaldan azad ediləcəyinə ümidim yox idi. Həyatımda ən sevincli günü Şuşanın alındığı gün olub. Doğma yurdumuza qayıdırıq və mən də bu qayıdışın sevincini yaşayıram. Bu günləri bizə yaşatdığı üçün Ali Baş Komandanımıza, müzəffər Ordumuza minnətdarıq. Allah şəhidlərimizə rəhmət eləsin, qazilərimizə cansağlığı versin!”,-deyə o qeyd edib.

Qeyd edək ki, bu gün Şuşa şəhərinə növbəti köç karvanı yola salınır. Bu mərhələdə 16 ailə (60 nəfər) öz doğma yurduna köçürülür. Bununla da Şuşa şəhərində ümumilikdə 220 ailənin (823 nəfərin) məskunlaşması təmin edilib.