Son iki ildə minadan əziyyət çəkən 172 nəfərə dəstək göstərilib

Azərbaycanda son 2 ildə minadan əziyyət çəkən 172 nəfərə dəstək göstərilib.

"Report" xəbər verir ki, bunu Respublika Reabilitasiya Mərkəzinin direktoru Nabat Abdulova Minalar Əleyhinə Azərbaycan Kampaniyası İctimai Birliyinin təşkilatçılığı ilə keçirilən "Azərbaycanda mina qurbanları: nailiyyətlər və qarşıda duran vəzifələr" mövzusunda dəyirmi masada deyib. O qeyd edib ki, mina terrorundan əziyyət çəkən şəxslərin özləri ilə yanaşı, onların ailə üzvlərinə də dəstək göstərilir:

"Qeyd etdiyim müddət ərzində 109 nəfərə ambulator yardım göstərilib. Hazırda minadan əziyyət çəkən 111 nəfər qeydiyyata alınıb və onların 91 nəfərinə əlillik təyin edilib".