Rəşad Məcid: Süni intellekt vasitəsilə çoxlu dezinformasiya yayılır

Hazırda informasiya dövrüdür və Azərbaycan mediası bu dövrdə ən ön sıralarda olmalıdır

"Report" xəbər verir ki, bunu Mətbuat Şurasının sədri Rəşad Məcid Azərbaycan ilə Türkiyə arasında media sahəsində strateji əməkdaşlıq haqqında anlaşma memorandumunun 5 ili: Birgə fəaliyyətə baxış, gələcək hədəflər haqqında dəyirmi masada deyib.

Sədr müasir dövrdə süni intellektin dezinformasiya yaymasının təhlükəsindən danışıb:

"Hazırda süni intellekt vasitəsilə çoxlu dezinformasiya yayılır. Bununla mübarizə aparmaq üçün mediamız çox sürətli olmalıdır. Bu sahədə Media İnkişafı Agentliyinin fəaliyyəti danılmazdır. Onlar bu məsələlərə operativ şəkildə reaksiya verirlər".