Qubada Birinci Qarabağ müharibəsinin şəhidi İdris Baxışov dəfn edilib - YENİLƏNİB

Qalıqları aşkar edilən Birinci Qarabağ müharibəsində itkin düşmüş hesab olunan şəhid İdris Osman oğlu Baxışovla Quba rayonunun Qənidərə kəndində keçirilən vida mərasimi başa çatıb.

“Report”un Şimal bürosunun məlumatına görə, şəhidin nəşi Qənidərə kəndində dəfn olunub.

Dəfn mərasimində şəhidin doğmaları, Quba Rayon İcra Hakimiyyətinin vəzifəli şəxsləri, rayon hüquq-mühafizə orqanlarının əməkdaşları, hərbçilər və ictimaiyyət nümayəndələri iştirak ediblər.

Qalıqları aşkar edilən Birinci Qarabağ müharibəsində itkin düşmüş hesab olunan şəhid İdris Osman oğlu Baxışovun meyitinin qalıqları Quba rayonuna gətirilib.

“Report”un Şimal bürosunun məlumatına görə, şəhidin nəşi Quba rayonunun Qənidərə kəndində ailəsinə təhvil verilib.

Hazırda kənddə şəhidlə vida mərasimi keçirilir.

Qeyd edək ki, İdris Osman oğlu Baxışov 1973-cü il dekabrın 25-də anadan olub. O, 1993-cü il aprelin 1-də Kəlbəcər rayonunda itkin düşüb.

İ.Baxışov Qənidərə kənd qəbiristanlığında dəfn olunacaq.