Prezident Əhməd Əhmədzadəni “Şöhrət” ordeni ilə təltif edib

Bakı. 7 yanvar. REPORT.AZ/ Azərbaycan Prezidenti İlham Əliyev Əhməd Əhmədzadənin “Şöhrət” ordeni ilə təltif edilməsi haqqında sərəncam imzalayıb. “Report” xəbər verir ki, sərəncamla Azərbaycan Respublikasında meliorasiya və su təsərrüfatının inkişafında xidmətlərinə görə Əhməd Cuma oğlu Əhmədzadə “Şöhrət” ordeni ilə təltif edilib.

Qeyd edək ki, Ə.Əhmədzadə 1945-ci il yanvarın 7-də Qax rayonunun Qaxmuğal kəndində anadan olub. Bu gün onun 70 yaşı tamam olur.