Ötən il Azərbaycanda 3170 əkiz, 117 üçəm doğulub

Ötən il Azərbaycanda 3170 əkiz, 117 üçəm doğulub.

"Report" xəbər verir ki, bu barədə Dövlət Statistika Komitəsi məlumat yayıb.

Qeyd olunub ki, doğulan körpələrin 53,1 faizi oğlan, 46,9 faizi isə qız uşaqları olub:

"2025-ci ildə Ədliyyə Nazirliyinin rayon (şəhər) qeydiyyat şöbələri tərəfindən 95875 doğulan körpə qeydə alınmış və 2024-cü illə müqayisədə əhalinin hər 1000 nəfərinə bu göstərici azalaraq 10,0-dan 9,4-ə düşüb".

Bundan başqa, ötən il ölkədə 59 834 ölüm halı qeydə alınıb və 2024-cü illə müqayisədə əhalinin hər 1000 nəfərinə bu göstərici dəyişməyərək eyni səviyyədə (5,8) qalıb.