Məntəqə sədri: Seçici fəallığı yüksək səviyyədədir

Növbədənkənar parlament seçkilərində seçicilər arasında fəallıq çox yüksək səviyyədədir.

Bunu "Report"a açıqlamasında 21 saylı Nəsimi-Binəqədi Seçki Dairəsinin 132 saylı uşaq bağçasında yerləşən 3 saylı seçki məntəqəsinin sədri Əliyeva Kəmalə deyib.

O bildirib ki, məntəqə üzrə 1187 seçicidən üçü qeydiyyatdan çıxdığına görə 1184 seçici səsvermədə iştirak edə bilər: "Onlardan hələ ki 110 nəfəri səsvermədə iştirak edib. Altı nəfər 18 yaşlı seçici ilk dəfə səs vermədə iştirak edib. Beş nəfər isə ən yaşlı seçici kimi səsvermə prosesində iştirak edib. Onlardan birinin 84 yaşı var".

Məntəqə sədri qeyd edib ki, hazırda 22 yerli müşahidəçi seçkinin gedişatını izləyir.