Biləcəri qəsəbəsində yeni qəbiristanlığın salınması istənilir

Biləcəri sakinləri qəsəbədə yeni qəbiristanlıq üçün Bakı Şəhər İcra Hakimiyyətinin yer ayırmasını istəyirlər.

“Report”un məlumatına görə, bu barədə sakinlərin bir qrupu BŞİH başçısı Eldar Əzizovla görüşdə bildirib.

Sakinlər bundan başqa fərdi yaşayış evlərinin sənədləşdirilməsi, qəsəbədə su və kanalizasiya xətlərinin yenilənməsi, məhəllədaxili yolların təmiri və işıqlandırılması, məşğulluq, qəzalı binaların və dam örtüyünün təmiri, köhnə liftlərin dəyişdirilməsi, nəqliyyat və digər məsələlərlə bağlı müraciət ediblər.