Yuxarı
    Bağlamaq

    Anjey Kaspşik 21-ci dəfə ATƏT-in fəaliyyətdə olan sədrinin şəxsi nümayəndəsi seçilib

    ATƏT-in fəaliyyətdə olan sədrinin Cənubi Qafqazdakı xüsusi nümayəndəsi Günter Baxler də fəaliyyətini davam etdirəcək

    Bakı. 12 yanvar. REPORT.AZ/ ATƏT-in fəaliyyətdə olan sədrinin şəxsi nümayəndəsi Anjey Kaspşik daha bir il bu vəzifəyə seçilib.

    ATƏT Katibliyindən "Report"a verilən məlumata görə, qərar ATƏT-in Daimi Şurasının iclasında qəbul edilib.

    Qeyd edək ki, A.Kaspşik 1997-ci ildən bu vəzifədədir və artıq 21-ci dəfə ATƏT-in fəaliyyətdə olan sədrinin şəxsi nümayəndəsi təyin olunub.

    A.Kaspşik mandatına uyğun olaraq, Dağlıq Qarabağ münaqişəsi ilə bağlı məsələlərdə ATƏT-in fəaliyyətdə olan sədrini təmsil edəcək. O, münaqişənin sülh yolu ilə uzunmüddətli həllinə nail olunması üzrə həmsədrlərin səylərinə töhfə verəcək.

    A.Kaspşik ATƏT-in münaqişə zonasında müntəzəm keçirilən monitorinq missiyalarında iştirak edir, eləcə də ATƏT-in Minsk qrupunun bütün görüşlərdə, o cümlədən həmsədrlərin Azərbaycan və Ermənistan rəsmiləri ilə görüşlərində iştirak edir.

    ATƏT-in fəaliyyətdə olan sədrinin Cənubi Qafqazdakı xüsusi nümayəndəsi Günter Baxler də fəaliyyətini davam etdirəcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Bu xəbər həm də başqa dillərdə mövcuddur:

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi