Türkiyənin vitse-prezidenti: "Paşinyanın Qarabağla bağlı dediklərini təəccüblə izlədik"

"Ermənistanın baş naziri Nikol Paşinyanın bir müddət əvvəl Dağlıq Qarabağın Ermənistana aid olması haqqında dediklərini təəccüblə izlədik".

"Report"un xəbərinə görə, bunu Bakıda səfərdə olan Türkiyənin vitse-prezidenti Fuat Oktay deyib.

"Düşünürəm ki, bu tip populist fikirlər danışıqlara mənfi təsir edir. Dünya ictimaiyyəti də bu məsələyə səssiz qalmamalıdır. Biz Azərbaycanın ərazi bütövlüyünü dəstəkləyirik. 1 milyondan artıq məcburi köçkünün tezliklə torpaqlarına qayıtmasını arzu edirik", - deyə F.Oktay vurğulayıb.