Tural Gəncəliyev xaricdə Qarabağ məktəblərinin yaradılmasının məqsədlərini açıqlayıb

"Azərbaycanın xarici ölkələrdə müxtəlif diaspora mərkəzləri və səfrliklərinin nəzdində Qarabağ məktəbləri yaradılıb".

"Report"un xəbərinə görə, bunu "Azərbaycan Respublikası Dağlıq Qarabağ Bölgəsinin Azərbaycanlı icması"nın rəhbəri Tural Gəncəliyev jurnalistlərə açıqlamasında deyib.

O söyləyib ki, Qarabağ məktəblərinin fəaliyyət göstərməsinin əsas məqsədi xarici ölkələrdə yaşayan azərbaycanılılara Qarabağla bağlı tarixi məlumatları aşılamaqdır: "Xüsusilə də əss olan gənclərin, azyaşlıların Qarabağ ruhunda tərbiyələndirilməsi, gənclərin maarifləndirilməsidir. Mən özüm də Kanada və Çexiyada işlədiyim dövrlər ərzində orada bu kimi məktəblər fəaliyyət göstərirdi. Biz həmin məktəblərlə birlikdə çalışırdıq ki, uşaq və gənclərimizə Qarabağla bağlı məlumatlar çatdıraq".