AZEBİ Aİ-Gürcüstan Biznes Şurası ilə birgə layihələr həyata keçirəcək

Tbilisidə Gürcüstanın Azərbaycanlı İş Adamları Birliyi (AZEBİ) və Avropa İttifaqı-Gürcüstan Biznes Şurası əməkdaşlıq edəcəklər.

“Report”un yerli bürosu xəbər verir ki, iki qurum arasında Azərbaycan-Gürcüstan biznes forumu çərçivəsində əməkdaşlığa dair memorandum imzalanıb.

Sənədi AZEBİ-nin icraçı direktoru Nəriman Qurbanov və Avropa İttifaqı - Gürcüstan Biznes Şurasının baş katibi Zviad Çumburidze imzalayıblar.

Memoranduma əsasən, Azərbaycan-Gürcüstan iqtisadi əməkdaşlığının inkişafına dəstək veriləcək, iki biznes asossiasiyanın iştirakı ilə birgə layihələr, tədbirlər, görüşlər və seminarlar təşkil olunacaq.