Türkiyənin karqo şirkəti Azərbaycana sərmayə qoyaraq Orta Asiya bazarına çıxır

Türkiyənin “Aras Kargo” şirkəti “Aras Global” markası ilə beynəlxalq bazarlara çıxış strategiyası çərçivəsində ilk olaraq Azərbaycanın “Star Express” karqo şirkətinin səhmlərini alıb.

“Report” Türkiyə mətbuatına istinadən xəbər verir ki, “Aras Kargo” “Starex” markası ilə xidmət göstərən şirkətin 75 %-ni almaqla “Aras Global” ilə Azərbaycanda karqo xidmətləri göstərməyə başlayıb.

Şirkət bu cür addımları digər türk dövlətlərində də həyata keçirməyi planlaşdırır.

“Aras Kargo” şirkətinin baş direktoru Utku Ayyarkın bildirib ki, şirkətin bu addımı, eyni zamanda, Azərbaycanda elektron ticarətin həcmini artıracaq.