Vahan Kostanyan: "Bakı və İrəvan arasında qarşılıqlı ixrac üzrə ilkin razılaşmalar əldə olunub"

Bakı və İrəvan müzakirələr aparıb, hər iki ölkədən hansı malların ixrac edilə biləcəyi barədə ilkin razılaşmalar əldə olunub.

"Report"un Antalyaya ezam olunmuş əməkdaşı xəbər verir ki, bu barədə Ermənistanın xarici işlər nazirinin müavini Vahan Kostanyan azərbaycanlı jurnalistlərə bildirib.

"Ticarətə gəldikdə, bildiyiniz kimi, biz artıq Azərbaycandan benzin idxal etməyə başlamışıq. Bundan əlavə, hər iki ölkə ikitərəfli ticarətin bir hissəsi ola biləcək malların siyahılarını mübadilə edib. Ermənistan və Azərbaycandan hansı malların ixrac edilə biləcəyinə dair müzakirələr aparılıb və ilkin razılaşmalar var. Biz ümid edirik ki, bu proses başa çatdıqdan sonra rəsmi bəyanat veriləcək". - o deyib.