Dəniz nəqliyyatı ilə daşınan yüklərin dəyəri artıb, həcmi cüzi azalıb

Bu ilin yanvar-may aylarında Azərbaycanda dəniz nəqliyyatı ilə 861 milyon 409 min ABŞ dolları dəyərində 1 milyon 122 min 23 ton yük daşınıb.

“Report” Dövlət Gömrük Komitəsinə istinadən xəbər verir ki, bu, 2023-cü ilin eyni dövrünə nisbətən müvafiq olaraq 16,9 % çox və 1 % azdır.

Beş ayda dəniz nəqliyyatı ilə ixrac olunan yüklərin həcmi 29 min 529 ton (əvvəlki ilin analoji dövrü ilə müqayisədə 3,2 % az), dəyəri 46 milyon 852 min ABŞ dolları (40,9 % az) olub.

İdxal olunan yüklərin həcmi isə 1 milyon 92 min 493 ton (0,8 % az), dəyəri 814 milyon 557 min ABŞ dolları (21,4 % çox) təşkil edib.