Azərbaycanda çek hərracları ilə özəlləşdirilən müəssisələrin 50 %-i işləyir

Azərbaycanda ixtisaslaşdırılmış çek hərracları vasitəsilə özəlləşdirilən müəssisələrin yarısı hazırda fəaliyyətini davam etdirir.

Bu barədə "Report"un sorğusuna cavab olaraq İqtisadiyyat Nazirliyi yanında Əmlak Məsələləri Dövlət Xidmətindən bildirilib.

Məlumata görə, indiyə qədər 1 454 ASC-nin nəzarət səhm zərfindən yuxarı hissəsi özəlləşdirmə çekləri vasitəsilə satılıb.

Hazırda həmin müəssisələrin təxminən 50 %-i ya profil üzrə, ya da istehsal və xidmət sahələrini icarəyə verməklə fəaliyyət göstərir.