Rüstəm Minnixanov: Azərbaycana səfərim zamanı Cəbrayıl, Qubadlı və Zəngilanın inkişaf tempinə heyran qaldım

Cəbrayıl, Qubadlı və Zəngilan rayonlarında Azərbaycan Respublikası Prezidentinin xüsusi nümayəndəsi Vahid Hacıyev Tatarıstan Respublikasının rəisi Rüstəm Minnixanovla görüşü zamanı əməkdaşlıq məsələlərini müzakirə edib.

“Report” bu barədə Rusiya Federasiyası Tatarıstan Respublikasının rəisinin mətbuat xidmətinə istinadən xəbər verir.

Məlumata görə, R.Minnixanov ölkəyə səfərinə görə ona təşəkkürünü bildirib: “Bu, bizim üçün işgüzar əlaqələrin davam etdirilməsi və Rusiya-Azərbaycan münasibətlərinin gələcək inkişafı çərçivəsində vacibdir”.

Tatarıstan Respublikasının rəisi onu da qeyd edib ki, Azərbaycana işgüzar səfəri zamanı Cəbrayıl, Qubadlı və Zəngilan rayonlarının inkişaf tempinə heyran qalıb.

"Tərəflər birgə layihələri və digər aktual mövzuları müzakirə ediblər", - məlumatda vurğulanıb.