Azərbaycan Türkiyədən polad tədarükünə çəkdiyi xərci 29 % artırıb

Bu ilin yanvar-avqust aylarında Azərbaycan Türkiyədən 85,89 milyon ABŞ dolları dəyərində polad idxal edib.

“Report” xəbər verir ki, bu barədə Türkiyə İxracatçılar Məclisinin (TİM) hesabatında deyilir.

Məlumata görə, bu, ötən ilin eyni dövrü ilə müqayisədə 29,1 % çoxdur.

Təkcə bu ilin avqust ayında isə Türkiyə Azərbaycana 10,686 milyon ABŞ dollarlıq polad ixrac edib ki, bu da illik müqayisədə 2,6 % çoxdur.

Bu ilin ilk 8 ayında Türkiyənin ümumi polad ixracının dəyəri illik müqayisədə 16,6 % artaraq 15,318 milyard ABŞ dollarına çatıb, avqust ayında isə 18,9 % azalaraq 1,83 milyard ABŞ dollarına enib.