Azərbaycan Türkiyədən kimyəvi maddələrin idxalına çəkdiyi xərci 5 % artırıb

Bu ilin yanvar-avqust aylarında Azərbaycan Türkiyədən 328,688 milyon ABŞ dolları dəyərində kimyəvi maddələr və məhsullar idxal edib.

“Report” Türkiyə İxracatçılar Məclisinə istinadən xəbər verir ki, bu, ötən ilin eyni dövrünə nisbətən 4,6% çoxdur.

Təkcə avqustda isə Türkiyə Azərbaycana 41,381 milyon ABŞ dolları dəyərində kimyəvi maddələr və məhsullar ixrac edib ki, bu da illik müqayisədə 7 % çoxdur.

8 ayda Türkiyənin kimyəvi maddələr və məhsulları ixracının ümumi dəyəri 1 il əvvələ nisbətən 14,2 % azalaraq 19,471 milyard ABŞ dollarına, təkcə avqust ayında isə bu məhsulların ixracının dəyəri 8,8 % azalaraq 2,665 milyard ABŞ dollarına düşüb.